Java-da arifmetik operatorlar

Arifmetik operatorlar

Arifmetik operatorlar matematik amallarni bajarish uchun ishlatiladi. Quyida Java'dagi asosiy arifmetik operatorlar ro‘yxati keltirilgan:

1. Qo'shish operatori (+): Ikkita qiymatni qo‘shish uchun ishlatiladi. Bu operator satrlarni birlashtirish (concatenation) uchun ham ishlatiladi.

   • Misol

     int sum = 10 + 5;  // natija: 15
     String fullName = "Uychi" + " " + "It School";  // natija: "Uychi It School"

2. Ayirish operatori (-): Birinchi operanddan ikkinchi operandni ayiradi.

   • Misol

         int difference = 10 - 5;  // natija: 5

3. Ko'paytirish operatori (*): Ikkita qiymatni ko'paytiradi

   • Misol

         int product = 10 * 5;  // natija: 50

4. Bo'lish operatori (/): Bir qiymatni ikkinchisiga bo'ladi. Agar ikkala operand butun son bo'lsa, natija ham butun son bo'ladi (qoldiq qism tashlab yuboriladi)

   • Misol

     int quotient = 10 / 5;  // natija: 2
     double quotientDouble = 10.0 / 4.0;  // natija: 2.5

5. Qoldiq operatori (%): Bir sonni ikkin chisiga bo‘lganda qoldiqni qaytaradi.

   • Misol

   int remainder = 10 % 3;  // natija: 1    

6. Inkrement operatori (++): O'zgaruvchini birga oshiradi. Bu operatorni ikkita shaklda ishlatish mumkin

   • Prefix (++x): O‘zgaruvchi qiymati oshirilgandan so‘ng ifoda bajariladi.
   • Postfix (x++): Ifoda bajarilgandan so‘ng o‘zgaruvchi qiymati oshiriladi.
   • Misol

   int a = 5;
   int b = ++a;  // a = 6, b = 6
   int c = a++;  // a = 7, c = 6

7. Dekrement operatori (--): O'zgaruvchini birga kamaytiradi. Bu operator ham prefix va postfix shakllarida ishlatiladi.

   • Misol

   int a = 5;
   int b = --a;  // a = 4, b = 4
   int c = a--;  // a = 3, c = 4

Diqqat

Arifmetik operatorlar hisob-kitoblar va matematik amallarni amalga oshirishda keng qo‘llaniladi. Bu operatorlar sonlar bilan ishlashda tez-tez ishlatiladigan asosiy vositalardir.